logo

► iTaukeiiTaukei ni QeleNa Vakatubuilavo

Na Vakatubuilavo kei na Bisinisi



Ena qai tikici ga nai lavo ni lisi, oya ni sa solia oti na nona veivakadonui e sivia ni onosagavulu na pasede (60%) na lewe ni tokatoka, mataqali se yavusa, me musuki e dua nai wase ni lavo ni lisi ka vagolei kina dua na akaude e vakatabakidua na kenai naki, ni se bera ni veivotayaki na vo ni lavo vei ira na lewe ni tokatoka, mataqali se yavusa era se bula tiko.

Oqo e vakalawataki ena wase e 14 ni iTaukei Land Trust Act ka vakakina na Equal Rent Distribution Policy.

Oqo eso nai naki e rawa ni tikici kina nai lavo ni lisi, ia e sega ni yalani walega vei iratou na kena oqo:

 

  1. Veivakavaletaki
  2. Dinau ni veivakatoroicaketaki
  3. Dau tara vale (Building contractor)
  4. Dau volitaki motoka (Motor Vehicle dealer)

Nai naki levu ni kena dau tikici tani e dua nai wase ni lavo ni lisi, oya:
  1. Me rawa ni vukei ira nai taukei ni qele me dau tiko e dua na nodra tobu e rawa ni ra dau tara i lavo mai kina me veivuke ena vuli, qaravi ni tavi ena vanua, veivakatoroicaketaki e nakoro kei na veika tale eso.
  2. Me ra vakaduri bisinisi nai taukei ni qele.  

Veika e Gadrevi Kavaka e Vinakati me Tikici e Dua nai Lavo ni Lisi
  1. Dua nai vola kerekere mai vei ira nai taukei ni qele ka vakamatatataki mai kina nai naki ni kerekere.
  2. Nai vola kerekere me kabi vata mai kei na macala ni bose ni dua na tokatoka, mataqali se yavusa ka a vakadounui kina nai naki e kerei mai.
  3. Na fomu na “TLTB 5b” me vakaleweni mai vakamatau, salavata na saini ni sivia e onosagavulu na pasede (60%) na lewe ni tokatoka, mataqali se yavusa.
  4. E dua nai vola mai na baqe kevaka e gadrevi na dinau.


Esa na qai dikeva na kerekere na Matabose (TLTB) ka veidutaitakavata kei nai lavo e dau rawati ena vei yabaki sa oti. Kevaka esa vakadonui, esa na qai tekivu na musuki ni lavo ena vei vula.  



 

Head Office

Social Online