logo

► iTaukeiiTaukei ni QeleLavo ni Yabaki 18

Na Nodra Vakatubu i Lavo na Lalai ena Baqe na HFC

minors-investment.JPGE levu sara nai tukutuku cacavukavuka e rogo tiko me baleta na kena maroroi na nodrai lavo ni lisi na lalai (o ira e lailai mai na 18 na yabaki ni nodra bula) ka sega nida kila taumada na dina kei na lawa e vauca na kena wasei vakatautauvata nai lavo ni lisi.

Ena gauna sara ga oqo e rauta ni 26,178 nai taukei ni qele e lailai tiko mai na 18 na yabaki ni nodra bula ka tiko ena 7.17 na milioni na levu ni nodrai lavo.

Na “iTaukei Land Trust Act” e vakarota, ni i lavo kece e ciqoma na Matabose, mai na lisi ni qele vakaitaukei, ka vakakina nai lavo ni lisi mai na veiyabaki sa oti yani ka se bera tu ni veivotayaki me yacova mai na kena mai veisautaki na lawa ena 2010, ena veiwaseyaki vakatautauvata vei ira kece na lewe ni tokatoka, mataqali se yavusa era se bula tiko.

E tukuna talega ni nodrai wasewase kece na lalai ka lailai mai na 18 na yabaki ni nodra bula, ena biu tiko vakatikitiki ka maroroi tiko me yacova na gauna era sa yacova kina na yabaki 18.

Nai lavo oqo e qai cakacakataka na Matabose (TLTB) ena vukudra na lalai ka na qai saumi vei ira kei na kena tubu ena gauna era sa yabaki 18 kina.
O ira kece nai taukei ni qele era sa yacova na yabaki 18, ka ra sa rejisita tu ena TLTB, sa dodonu mera ciqoma tiko na nodrai votavota ni lavo ni lisi e veivotayaka na Matabose. 


 

 

Head Office

Social Online